Aldrick Figaroa – E Sombra … Su Mes
Un hende kier bo
Mas di loke bo ta kere
Kizas mas di loke bo ta desea
Un hende ta admirabo
Pa tur loke bo ta
Y ta keda kier bo, dia pa dia mas
Sin estorbo un dia lo bo realiza
Penetrante lo ta su mirada
Seductivo lo ta su palabra
Cariñoso lo ta su lenguahe
Y pa semper bo lo keda su Musa salvahe
Un hende lo keda kier bo
Pa dunabo forza y lealtad
Y asina hasi bo soñonan realidad
E hende ey ta biba den bo
Ta cargabo tur dia
Y nunca mas lo bandonabo