Op donderdag 27 mei 2021 ondertekenden Rita Rahman, voorzitter van de Werkgroep Caraïbische Letteren, en... Lees verder →
Sentenario Pierre Lauffer (1920-1981)
Eeuwfeest geboortejaar Pierre A. Lauffer
Mi ke tumabo
Mi ke tumabo
den anochi
yen di strea i klaridat di luna,
ku bichi di kandela rònt’i nos,
ku mondi yen di krikinan su melodia.
Sentenario Pierre Lauffer (1920-1981)
Balia barí
Ku sintura di mamundèngè
Ku mantuana mondong’i lobi
Ku tur m’a balia barí.
Y or’e chapi ta kokobia
Y or’e kueru ta lamanta:
Kímina, kana kue
Kímina, kana kue
Tur mi kurpa ta kisjiki
Ay mi sanger ta herebe.
Sentenario Pierre Lauffer (1920-1981)
Fadá mi ta
Fadá mi ta
di tur beheit,
bòmbòshi ku bochincha
ku ta dèmpel e ronká di bos na horizonte.
Sentenario Pierre Lauffer (1920-1981)
Kanta mi un kansion di ántes
Kanta mi un kansion di antes
pa mi floria mi behes.
Kontami un istoria tierno di promé ayá,
pa mi por sera wowo, rekorda.
Gañami ku ainda mi ta hoben,
pa, lantá, mi sinta soña.
Bisami, kara seku,
ku mi barba no ta blanku,
pa mi disfrutá dje ilushon
ku falta masha hopi mas
promé mi bai.