Papiamentu balansá: un kurso pa perfekshoná dominio di nos lenga
Simia Literario ta presentá tres workshop ku dr. Henry Habibe lo guia. E workshop kier yuda outornan perfekshoná nan Papiamentu. No ta trata di ortografía di Papiamentu, pero di Papiamentu ku hende sa usa inkorekto.
Aunke ku den pasado varios eksperto di Papiamentu a konstatá ku no tur hende sa papia i skirbi Papiamentu korekto i aunke e mes ekspertonan ta purba drecha esaki konstantemente, te awor akí ainda tin ‘Danjadonan di Papiamentu’ (Antoine Maduro). Na 1995 Otto Sprock ta kontstatá den su Lenga, ban kuida nos lenga ku ainda tin native speakers di Papiamentu ku no sa papi’e korekto of sin fout.
Den e tres workshop aki Henry Habibe lo duna ehèmpel di Papiamentu ‘inkorekto’ i lo purba perfekshoná e lenga di kursistanan mas tantu posibel ku ehersisio.
Fechanan: diasabra 2, 9 i 16 di desèmber 2017
Ora: 10.30 – 12.00 or
Adrès: Auteursbond, De Lairessestraat 125, Amsterdam
Entrada: € 60 pa tur tres workshop huntu, miembro di Simia Literario ta paga € 50.
E prijs di entrada ta ku kòfi, te i un kuki.
Por fabor registrá nomber na simialiterario@gmail.com promé ku 30 di novèmber i paga e entrada e promé workshop of paga e entrada di antemano na nòmber di Simia Literario, number di banko NL26 INGB0009310776.
Solamente tin 12 lugá pa kursista. Despues di pago no lo tin restitushon di plaka si un kursista no por bini workshop. Si ta posibel por manda otro hende den su lugá.
RSS
Facebook
Twitter
