Orlando Emanuels – FRI 25 november 1975
Wan pikin wortu
FRI
e seki mi
en meki mi lafu heri dei
Wan pikin wortu
FRI
e meki mi dyompo
nanga pikinnengre
fu prei
A tan lek’mi wani brasa
her’ grontapu tide
Tide luku krin
Moro ala tra tide
Bromki
smeri moro switi tide
Grun fu bon
luku moro grun tide
Pikin fowru
singi moro opruru tide
Mi na moro mi tide
So wan pikin wortu
So wan bigi prakseri
FRI