Gibi Bacilio in Bibliotheek Aruba
Autor Gibi Bacilio cu Grupo Palabra Musikal na Biblioteca Nacional Aruba Diamars, 8 di April 2025, di 6.00 pa 8.30 di anochi, Gibi Bacilio lo duna un presentacion na Biblioteca Nacional Aruba na George Madurostraat, Oranjestad.
Astrid Britten, Biblioteca Nacional Aruba, Departamento di Cultura Aruba y Gestor Cultural Mirto Laclé lo presenta un anochi literario pa presenta e tomo di poesia nobo, titula Fièrnu Selestial, di e autor Gilbert (Gibi) Bacilio. For di Curaçao lo ta presente Gibi Bacilio y Grupo Palabra Musikal.
Gibi Bacilio, naci na Corsou, ta autor, poeta, dirigente di teatro y artista di declamacion conoci. Den pasado Gibi tabata impulsor di teatro cayehero activista, comprometé. E obra Fièrnu Selestial ta contene 25 poema na Papiamento cu traduccion na Hulandes y na Ingles. Lo ta un anochi multifacetico cu musica, declamacion, charla y canto.
Raquel Lampe, ganador di un canto pa Himno y Bandera lo deleita publico cu cancion.
Gibi Bacilio lo declama acompaña pa Grupo Palabra Musikal.
RSS
Facebook
Twitter
