Charlton Marcos – Forti nos ta bai
Mi pais ta sukumbi bou di emoshon
Tilli ku Talla, Tinni ku Tanna
Koreografia modela pa hipokresia
Mientras nan kurason ta kunsumi e PAIS ta sukumbi
Maestro di musika, perkura pa mas pika i bitter
Ban sinta wak kon nos “Titanic”, lo sak bai Fondo di Karibe
Historia lo ripiti of KEN lo lanta para pa pone midi?
Mientras mi pais ta sukumbi, ta ordena pa mas Ambiente di Kandela
Simannan Kriojojo ta na kaminda,
Prepara mas Pastechi ku Heineken, paso Amstel a pasa pa Sawaka
WhatsApp, Ping Ping, lo Monitor nan Alma; MAS notisia por-na-da
“Se dicen…vamos a hortar, matar i destruir…” el pueblo es nuestro!
Mi pueblo ta perde berguensa, pa falta di Memoria SANO!!!
Hunga ku KANDELA…si ta Kandela bo kier, Kandela bo ta haña!!!
Si bo boltu 69, Nada NO A KAMBIA
FORTI ta para e mesun kaminda, PEÑHA mesun kos…
Solamente e Kara di Otrobanda a haña un otro Kolo…
E HERIDA BIEUW nunka a wordu kura…Puntra i Lesa si Bo kier sa!!!
No ta makamba ta bo Enemigu
Pero Bo Mente ku bo a hasi…Katibu, tin Bo domina!
Bo ta toka SEHU i ta ordena e pueblo pa balia TAMBU!!!
Bo ta sensia nan ku Furia i Angustia…
Bo ta sensia nan ku mas rabia i rebeldia, Satanas semper ta husa mesun triki nan!
Bo ta sensia nan, paso ki bo tin ku nès ku nan wordu Kìmá enbes di wordu DERA!
Bo ta laga E Pueblo somenta…paso bo di… e bobo nan ta kome bolbe lubida!
30 september 2012
RSS
Facebook
Twitter
