blog | werkgroep caraïbische letteren

A pikin prensi (fragment)

VI
KAPITRI SIKSI

Ai baya, pikin prensi! Pikinsopikinso mi e bigin frustan yu sari pikin libi. Wan langa pisiten yu libi ben de soso prisiri fu luku fa a son ben e dongo. Mi kon sabi a pikin sani dati, a mamanten fu a di fu fo dei, di yu taiga mi:a pikin prensi

‘Mi lobi fu si te a son e saka. Kon meki un go luku fa a son e saka…’
‘Ma un musu wakti…’
‘Wakti fu san?’
‘Wakti te a ten doro fu a son saka…’
Yu skreki na a bigin, dan yu lafu ini yu srefi dan baka dati yu taigi mi: ‘Mi e frigiti taki mi no de na mi oso.’
Na so a de. Te a de bakadina na Amerikankondre, leki fa alasma sabi, a son e saka na Fransikondre. Efu libisma ben man koiri ini wan miniti na Fransikondre, den ben o man si fa a son e saka drape. Ma ke pôti, bika Fransikondre fara tumsi, yu no man du dati. Ma tapu yu bun pikin planeiti, alasani di yu ben abi fu du na skoifi yu sturu pikinso. Dan yu ben kan si a sondongo o meni leisi yu wani… ‘Wan dei mi si a sondongo fotentinafo tron’, yu fruteri mi. Dan pikinso moro lati yu taigi mi moro fara: ‘Yu sabi, te yu de nanga furu sari, yu kan kon lobi sondongo.’
‘A dei di yu si sonsaka den fotenti nanga fo leisi, yu ben de nanga bun furu sari?’ mi aksi. Ma a pikin prensi no piki mi. (pp. 22 en 24)

Your comment please...

  • RSS
  • Facebook
  • Twitter