A kippah in the Caribbean
Siman pasa Tanja Fraai y Mike Ho-Sam-Sooi, ambos cineasta, tabata di bishita cerca Prome Minister Mike Eman pa entreg’e un dvd di e documenatario ‘A Kippah in the Caribbean’ di Fundacion ‘WeConnect’. Un pelicula cu dialuna dia16 di November ta wordo presenta den Cas di Cultura. Prome Minister Eman, kende tabatin un mama Hudiu, a keda gratamente sorprendi cu e documentario riba e topico aki. Eman: “E ambiente Hudiu den cual mi a lanta aden na cas, semper a keda di gran influencia den mi bida y escogencianan cu mi ta haci.”
Tanja Fraai: “E bishita cerca Prome Minister ta algo special mirando cu e mes tabatin un mama Hudiu y semper a sinti su mes masha envolvi cu e comunidad Hudiu na Aruba.” Na Aruba a haci filmacion den e synagoge Beth Israël y tambe den e santana Hudiu. E pareha Pieters-Gonzalez ta conta den e documentario di nan bida segun tradicion Hudiu den un comunidad Caribense manera esun di Aruba. A Kippah in the Caribbean a wordo presenta na Hulanda den varios Comunidadnan Liberal Hudiu. Siman pasa naCorsou a pasa e documentario. E pelicula ta wordo ofrece na diferente festivalnan di pelicula internacional entre otro na Merca. Presentacion di A Kippah in the Caribbean ta riba dialuna 16 di November den Cas di Cultura, cuminsando for di 6.30 di atardi. Entrada ta gratis. Organisacion ta den man di Mirto lacle y Astrid Britten. www.stichtingweconnect.nl [Oficina di Prensa GME II]
RSS
Facebook
Twitter
