Ban topa cu nos autornan
Riba e Dia Nacional, ta bon pa nos pensa un rato, papia y comenta tocante nos dushi isla di Aruba. Trece bek loke ta di nos cu por a bay perdi.No ta suficiente pa bisa “Mi dushi isla di Aruba”.Siña conoce su pasado, hereda loke nos bieunan a bay laga pa nos.No laga nos considera e Dia Nacional no mas como un dia liber y di diberticion. Consider’e alavez como un dia di reflexiona pa nos hiba un bida miho pa nos mes y nos yiunan y mas cu tur cos nos dushi pais Aruba.
Diasabra 13 di Maart 2010 Van Dorp Book & Office ta organiza su “Ban topa pa celebra nos Dia Nacional”.
E “Ban Topa” ta di 11.00 a.m – 3.00 p.m
Lo bai tin musica di cahi orgel di Padu Maduro. Autornan cu lo ta presente pa bende nan buki: Roland Peterson cu “Ratoni”. Liliana Braamskamp cu su buki y CD “Rima rond di Aruba”. Sherwin Jacobs tambe lo ta presente cu su collecion di buki.
Tambe lo ta presente Sra. Gloria Croes cu su buki “Gilberto François Betico Croes”. Gloria lo ta presente di 12.00 p.m – 2.00 p.m pa firma su buki pa tur esnan interesa.”Maria ta den cushina”, Maria Petit lo ta presente cu su dos DVDnan di Maria ta den cushina. Maria lo prepara un sopi pa cortesia di Superfood, y tambe e lo tin tert y cuki.
E grupo “Ban topa pa colecciona stampia” tambe lo ta presente pa nan reunion mensual. Y un y tur ta keda cordialmente invita pa pasa wak nan coleccion di stampia y kizas si bo ta interesa inscribi como miembro.
Pafo lo tin stand di buki y productonan na baratillo.
Lo tin standnan tambe cu cuminda y pasaboka manera: comcomber stoba, frekedel cu pan bati, cup cakes, diferente sorto di bolo y cuki, pan boyo, empana etc y un dushi chukulati pinda. Pasa wak tambe nos coleccion bunita di productonan pa nos Dia Nacional dia 18 di Maart.
Pues un y tur ta keda invita pa pasa na Van Dorp Book & Office na Dakota di 11.00 – 3.00 pa pasa un atardi agradabel y asina cuminza fiesta nos Dia Nacional.
RSS
Facebook
Twitter
